’بیوی اگر آئی ایس آئی ایجنٹ، تو میں را ایجنٹ‘، وزیر اعلیٰ ہیمنت بسوا سرما کے الزام پر گورو گگوئی کا جوابی حملہ

قابل ذکر ہے کہ ہیمنت بسوا سرما نے کانگریس رکن پارلیمنٹ گورو گگوئی کی شریک حیات (جو کہ برطانیہ کی باشندہ ہیں) ایلزبتھ کولبرن سے متعلق کہا تھا کہ دیر سویر یہ پتہ چل جائے گا کہ جارج سوروس کے ایکوسسٹم کی قیادت میں غیر ملکی طاقتوں نے 2014 میں آسام کانگریس کے ایک بڑے فیصلے کو کس طرح متاثر کیا۔ وقت آنے پر سچائی سامنے آ جائے گی۔ ساتھ ہی انھوں نے کہا تھا کہ جوڑے کو آئی ایس آئی کے ساتھ اپنے قریبی تعلقات ہونے اور نوجوان باصلاحیت دماغوں کو برین واش و کٹر پسندی کے لیے پاکستان ہائی کمیشن میں لے جانے کے بارے میں اٹھائے گئے سنگین سوالات کے جواب دینے چاہئیں۔