دھماکہ میں ہلاک لوگوں میں سے بیشتر طالبان کے رکن تھے، ذرائع نے اس بات کی تصدیق کی ہے کہ مہلوکین میں کندج کے ’پولیس ضلع 4‘ کے طالبان سیکورٹی کمانڈر زکریا بھی شامل ہیں۔
دھماکہ، تصویر سوشل میڈیا
افغانستان کے شمالی شہر کندج میں آج زوردار دھماکہ ہوا جس میں کم از کم 25 افراد جاں بحق ہو گئے۔ میڈیا رپورٹس کے مطابق یہ دھماکہ 11 فروری کی صبح کابل بینک کی شاخ کے باہر ہوا جس میں تقریباً 30 افراد زخمی بھی ہوئے ہیں۔ افغان میڈیا نے ذرائع کے حوالے سے بتایا ہے کہ زخمیوں میں کچھ کی حالت سنگین بنی ہوئی ہے۔
’امو ٹی وی‘ نے مقامی ذرائع کے حوالے سے بتایا کہ دھماکہ میں ہلاک ہونے والے لوگوں میں سے بیشتر کا تعلق طالبان سے ہے۔ وہ طالبانی رکن تھے اور مہلوکین میں کندج کے ’پولیس ضلع 4‘ کے طالبان سیکورٹی کمانڈر زکریا بھی شامل ہیں۔ طالبان پولیس نے اس دھماکہ سے متعلق شروعاتی جانکاری دیتے ہوئے بتایا تھا کہ منگل کی صبح شہر میں کابل بینک برانچ کے باہر ہوا دھماکہ ایک خود کش بم دھماکہ تھا۔ اس میں شہریوں اور طالبان اراکین سمیت 5 لوگوں کی موت ہو گئی اور 7 دیگر زخمی ہوئے۔ بعد میں مقامی میڈیا کے ذریعہ مہلوکین اور زخمیوں کی تعداد میں اضافہ کی خبر دی گئی۔
رپورٹس کے مطابق دھماکہ مقامی وقت کے مطابق صبح تقریباً 8.30 بجے ہوا تھا۔ مہلوکین کی لاشوں کو طالبان کے 217 اوماری کور کلینک میں لے جایا گیا۔ کچھ رپورٹس میں یہ بھی بتایا گیا ہے کہ یہ حملہ طالبان کی طرف سے اپنے فوجی اور سیکورٹی اہلکاروں کو تنخواہ لینے کے لیے بینکوں سے دور رہنے اور اس کی جگہ معین مقامات کا استعمال کرنے کا حکم دینے کے ہفتوں بعد ہوا ہے۔ فی الحال کسی بھی گروپ نے اس بم دھماکہ کی ذمہ داری نہیں لی ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
