وزیر اعلیٰ اتر پردیش یوگی آدتیہ ناتھ نے بھی عوام سے پانی بچانے کی اپیل کی۔ انہوں نے کہا، ’’عالمی یوم آب کی مبارکباد! آئیں، پانی کے تحفظ کا عزم کریں اور خوشحال مستقبل کی طرف بڑھیں۔‘‘
اسی طرح، وزیر اعلیٰ اتراکھنڈ پشکر سنگھ دھامی نے کہا کہ اتراکھنڈ مقدس ندیوں کا منبع اور پانی کے وسائل سے مالا مال ہے۔ یہ ہماری وراثت ہے، جسے بچانا ہمارا فرض ہے۔ انہوں نے پانی کے درست استعمال کو پائیدار ترقی کی کلید قرار دیا۔
مدھیہ پردیش کے وزیر اعلیٰ موہن یادو نے اپنے پیغام میں کہا، ’’پانی ہے تو کل ہے۔ عالمی یوم آب پر عوام کو مبارکباد پیش کرتا ہوں۔ آئیے، قدرت کے اس قیمتی تحفے کو بچا کر خوشحال مستقبل کی بنیاد رکھیں۔‘‘
