دہلی: ہمارے معاشرے میں اساتذہ کا ایک اعلیٰ مقام ہے، والدین اپنے بچوں کے مستقبل کو بہتر بنانے کے لیے اچھی تعلیم پر بھاری رقم خرچ کرتے ہیں۔ لیکن جب اسی تعلیمی ادارے میں غیر اخلاقی سرگرمیاں منظر عام پر آتی ہیں تو یہ نہ صرف والدین کے اعتماد کو ٹھیس پہنچاتی ہیں بلکہ تعلیمی نظام کی ساکھ پر بھی سوالات کھڑے کرتی ہیں۔
تعلیم کو ایک مقدس پیشہ سمجھا جاتا ہے، جہاں اساتذہ بچوں کو نہ صرف علم دیتے ہیں بلکہ انہیں اخلاقیات اور تہذیب بھی سکھاتے ہیں۔ تاہم، بعض عناصر اپنی غیر اخلاقی حرکات سے اس پیشے کو بدنام کر رہے ہیں۔ حالیہ دنوں میں ایسے کئی واقعات سامنے آئے ہیں جہاں اساتذہ اور اسکول انتظامیہ کی جانب سے غیر مہذب رویے کا مظاہرہ کیا گیا ہے۔
ایسا ہی ایک چونکا دینے والا واقعہ سوشل میڈیا پر وائرل ہو رہا ہے، جس میں ایک اسکول کے پرنسپل کو لیڈی ٹیچر کے ساتھ غیر اخلاقی حرکت کرتے ہوئے دیکھا گیا۔ یہ ویڈیو دفتر میں خفیہ طور پر ریکارڈ کی گئی، جہاں پرنسپل اور ٹیچر ایک دوسرے کے قریب بیٹھے تھے اور نامناسب رویہ اختیار کیے ہوئے تھے۔
ویڈیو میں واضح طور پر دیکھا جا سکتا ہے کہ وہ دونوں اپنے ارد گرد موجود کسی بھی چیز کی پرواہ کیے بغیر اس عمل میں مشغول ہیں، جبکہ پس منظر میں ڈاکٹر امبیڈکر اور پنڈت جواہر لال نہرو کی تصاویر لگی ہوئی ہیں، جس پر کئی لوگوں نے سخت ردعمل ظاہر کیا ہے۔ سوشل میڈیا صارفین نے اس واقعے پر شدید غصے کا اظہار کرتے ہوئے کہا کہ “یہ تعلیم کے مقدس پیشے پر بدنما داغ ہے۔”
سوشل میڈیا صارفین اور مقامی افراد نے حکام سے مطالبہ کیا ہے کہ اس معاملے کی مکمل تحقیقات کی جائیں اور قصورواروں کے خلاف سخت کارروائی کی جائے تاکہ تعلیمی اداروں میں اس طرح کے غیر اخلاقی رویوں کا سدباب ہو سکے۔
یہ واقعہ ایک بار پھر یہ سوچنے پر مجبور کرتا ہے کہ کیا ہم واقعی اپنے تعلیمی اداروں میں اخلاقیات کو فروغ دے رہے ہیں یا یہ محض ایک رسمی بات بن کر رہ گئی ہے؟
ہمیں فالو کریں
