نئی دہلی : امریکہ اور ایران کے درمیان معاہدے کے بعد مغربی ایشیا کے بحران میں کمی آئی ہے، جس سے عالمی سطح پر خام تیل کی قیمتوں میں کمی کا امکان ہے۔ تاہم حکومت ہند نے واضح کیا ہے کہ تیل کی عالمی قیمتیں کم ہونے کے باوجود فی الحال ملک میں ایندھن کی قیمتوں میں فوری کمی ممکن نہیں۔
مرکزی مملکتی وزیر برائے پیٹرولیم، قدرتی گیس اور سیاحت سریش گوپی نے کہا کہ حالیہ دنوں میں فی لیٹر تقریباً 3.94 روپے اضافہ کیا گیا ہے، جسے عالمی منڈی میں قیمتیں کم ہونے کے باوجود فوری طور پر واپس نہیں لیا جا سکتا۔
انہوں نے کہا کہ ہرمز آبنائے کھلنے کے باوجود بحری ٹریفک میں دباؤ ہے، جس کے باعث سستا خام تیل بھارت پہنچنے میں وقت لگے گا۔ ان کے مطابق مغربی ایشیا کی کشیدگی کے دوران تیل کمپنیاں متاثر ہوئیں اور مرکز کو تقریباً 12 ہزار کروڑ روپے کا نقصان برداشت کرنا پڑا۔
