نئی دہلی: چیمپئنز ٹرافی 2025 کے آخری گروپ میچ میں ہندوستان نے نیوزی لینڈ کو 44 رنس سے شکست دے کر گروپ اے میں سرفہرست مقام حاصل کر لیا۔ اس شاندار کامیابی میں مڈل آرڈر کے بلے باز شریس آئیر کی نصف سنچری اور اسپنر ورون چکرورتی کی تباہ کن بولنگ نے اہم کردار ادا کیا۔
ہندوستانی ٹیم نے ٹاس ہار کر پہلے بیٹنگ کا فیصلہ کیا۔ 50 اوورس میں ہندوستانی ٹیم نے 9 وکٹوں کے نقصان پر 249 رنز بنائے۔ شریس آئیر نے 50 رنز کی عمدہ اننگز کھیلی، جس کی بدولت ہندوستانی ٹیم ایک مناسب اسکور تک پہنچ سکی۔ تاہم باقی بلے باز نیوزی لینڈ کی بولنگ کا مقابلہ کرنے میں ناکام رہے اور ٹیم نے مقررہ اوورس میں 9 وکٹوں کے نقصان پر 249 رنز بنائے۔
جواباً نیوزی لینڈ کی ٹیم اس ہدف کو حاصل کرنے میں ناکام رہی اور پوری ٹیم 45 اوورس اور تین گیندوں میں 205 رنس پر آل آؤٹ ہوگئی۔ اس میچ میں ورون چکرورتی کی شاندار بولنگ نے نیوزی لینڈ کے بلے بازوں کو بے بس کر دیا۔ انہوں نے 4 اہم وکٹیں حاصل کیں جو نیوزی لینڈ کی اننگز کو تباہ کرنے میں فیصلہ کن ثابت ہوئیں۔
ہندوستان اس جیت کے ساتھ ہی سیمی فائنل کے لیے کوالیفائی کر گیا ہے۔ 4 مارچ کو سیمی فائنل میں ہندوستان کا مقابلہ آسٹریلیا سے ہوگا جہاں دونوں ٹیموں کے درمیان زبردست مقابلے کی توقع کی جارہی ہے۔
