نئی دہلی ۔ دہلی میں یوگا گرو بابا رام دیو کی کمپنی پتانجلی کو جھٹکہ لگا ہے۔کمپنی نے 4 ٹن لال مرچ پاؤڈر کو واپس منگوا لیا ہے جو خریداری کے بعد صارفین کو فراہم کیا گیا تھا۔ اس فیصلے کی بنیاد فوڈ سیفٹی اینڈ اسٹینڈرڈ اتھارٹی آف انڈیا (ایف ایس ایس اے آئی) کے حکام کی ہدایت ہے۔
ایف ایس ایس اے آئی نے لال مرچ پاؤڈر کو فوڈ سیفٹی کے معیار کے مطابق نہیں پایا جس کے بعد پتانجلی کمپنی نے وہ مصنوعات واپس منگوانا شروع کیں۔ کمپنی کے سی ای او سنجیو آستھانا نے اس بات کی تصدیق کی کہ وہ تمام خریداروں کو اپنی خریداری کی قیمت واپس حاصل کرنے کا اختیار دیں گے۔
اس اقدام کا مقصد صارفین کی صحت کی حفاظت کرنا اور اس بات کو یقینی بنانا ہے کہ مارکیٹ میں فروخت ہونے والی مصنوعات معیار کے مطابق ہوں۔
