اپنے قدرتی حسن اور دلفریب نظاروں کے لئے مشہور لاہیجان کی مصنوعی جھیل، در اصل زرعی مقاصد کے لئے پانی کے ایک ذخیرے کے طور پر بنائی گئی ہے، جو مقامی لوگوں اور سیاحوں کے لیے آرام اور فطرت کے ساتھ گہرے تعلق کا ایک پرسکون اور مقبول مقام بن گئی ہے۔
البرز پہاڑی سلسلے کے پس منظر میں کھڑی یہ مسحور کن جھیل ایک وسیع آئینے کی طرح سیاحوں کے سامنے فطرت کے حسین نظارے منعکس کرتی ہے۔
لاہیجان جھیل فطرت اور انسانی ذہانت کے حسین امتزاج کا ثبوت ہے، جس سے یہ ظاہر ہوتا ہے کہ اس طرح کے منصوبے کسی علاقے کے فطری حسن کو کیسے بڑھا سکتے ہیں۔ جھیل کے علاقے میں پھولوں سے مزین کشادہ راستے سیاحوں کے لئے ایک پُرسکون ماحول اور ان لوگوں کے لئے بہترین جگہ ہے جو شہری زندگی کی گہماگہمی سے دور فطرت کی آغوش میں سانس لینا چاہتے ہیں۔
یہ جھیل علاقے میں ثقافتی اور تفریحی مرکز کے طور پر بھی کام کرتی ہے۔ جھیل کے آس پاس روایتی چائے خانوں اور کیفوں کی سہولت موجود ہے جہاں سیاح مقامی پکوان اور لاہیجان کی مشہور چائے سے لطف اندوز ہو سکتے ہیں۔
شام کے وقت جب آس پاس کا علاقہ جگمگانے لگتا ہے، تو لاہیجان جھیل زمین پر ایک چمکتے نیلگوں آسمان کا منظر پیش کرنے لگتی ہے۔
اگر آپ شمالی ایران کا سفر کرنے کا سوچ رہے ہیں، تو لاہیجان جھیل قدرتی مناظر سے لطف اندوز ہونے کے لئے ایک شاندار مقام ثابت ہو سکتی ہے۔
