حیدرآباد: تلنگانہ کے چیف منسٹر اے ریونت ریڈی اور صدر پردیش کانگریس بی مہیش کمار گوڑ توقع ہے کہ چیف منسٹر ٹاملناڈو ایم کے اسٹالن کی جانب سے چینائی میں طلب کردہ اجلاس میں شرکت کریں گے۔
اجلاس میں پارلیمانی حلقوں کی نئی حدبندیوں پر غور وخوض کیا جائے گا۔ چیف منسٹر ریونت ریڈی کے ساتھ مہیش کمار گوڑ بھی 22 مارچ کو چینائی میں منعقد شدنی اس اہم اجلاس میں شرکت کریں گے۔
ڈی ایم کے کا ایک وفد جس میں پارٹی ایم پی کنی موزی، ریاستی وزیر کے این نہرو اور سابق مرکزی وزیر اے راجہ شامل تھے، نے 13مارچ کو دہلی میں چیف منسٹر سے ملاقات کرتے ہوئے انہیں چینائی اجلاس میں شرکت کی دعوت دی تھی۔
اصولی طور پر دعوت نامہ کو قبول کرتے ہوےء چیف منسٹر نے کہا کہ پارٹی ہائی کمان سے منظوری حاصل کرنے کے بعد وہ اجلاس میں شرکت کریں گے۔
ہمیں فالو کریں
