نارائن پیٹ: 20 جنوری (پریس نوٹ/اردو لیکس )یونیورسل اسکول کے طلبہ نے ضلع سطحی اباکس مقابلے میں شاندار کارکردگی کا مظاہرہ کرتے ہوئے اپنی قابلیت کا لوہا منوایا۔ اس مقابلے میں محبوب نگر کے 50 اسکولوں کے 550 طلبہ نے حصہ لیا۔یونیورسل اسکول کے طلبہ محمد سفیان (ولد محمد معین الدین، انپور)، عصفیہ انعام (ولد محمد ایوب صاحب، ٹیچر)، اور محمد انس (ولد محمد جمال الدین) نے اس مقابلے میں بہترین مظاہرہ کیا اور اپنی محنت اور ذہانت سے سب کو متاثر کیا۔
یہ مقابلہ پدما لیا ہائی اسکول، سری نیواس کالونی، محبوب نگر میں منعقد ہوا، جہاں یونیورسل اسکول کے اساتذہ اور منتظمین کا بھی نمایاں کردار رہا۔ انہوں نے طلبہ کی بھرپور رہنمائی کی اور ان کی کامیابی میں اہم کردار ادا کیا۔
انتظامیہ اسکول ودیگر ذمہ داران’ دانشور حضرات نے بھی اسکول انتظامیہ کی تعریف کرتے ہوئے کہا کہ طلبہ کو یہ شاندار موقع فراہم کرنا قابلِ ستائش ہے۔ انہوں نے اس اقدام کو طلبہ کی صلاحیتوں کو ابھارنے کے لیے ایک مثالی قدم قرار دیا۔یونیورسل اسکول کی اس کامیابی کو نہ صرف والدین بلکہ تعلیمی حلقوں میں بھی سراہا گیا ہے، اور یہ طلبہ دیگر طلبہ کے لیے ایک روشن مثال بن گئے ہیں۔
