[]
کلکتہ: چیف منسٹر ممتا بنرجی نے راہول گاندھی کی سزا پر سپریم کورٹ کے حکم امتناعی کا خیر مقدم کرتے ہوئے خوشی کا اظہار کیا ہے۔ وزیر اعلیٰ نے ٹویٹ کیا کہ وہ راہول گاندھی کی خبر سے خوش ہیں۔ ممتا بنرجی نے بھی سپریم کورٹ کے اس حکم کو عدلیہ کی جیت سے تعبیر کیا ہے۔
گجرات سورت کی ایک عدالت نے راہل گاندھی کو مودی سرنیم کے بارے میں اشتعال انگیز تبصرہ کرنے پر دو سال قید کی سزا سنائی تھی۔ کانگریس لیڈر نے اس حکم کو سپریم کورٹ میں چیلنج کیا تھا۔
سپریم کورٹ نے سور ت کی عدالت کے فیصلے پر حکم امتناعی جاری کیا ہے۔ سپریم کورٹ کے اس حکم کے بعد کانگریس قیادت نے راہل گاندھی کا ایم پی عہدہ واپس کرنے کی کارروائی شروع کردی ہے۔
چیف منسٹر ممتا بنرجی نے ٹویٹر پر لکھاہے کہ میں راہل گاندھی سے متعلق سپریم کورٹ کے فیصلے سے خوش ہوں۔ مادر وطن کے لیے اتحاد نے جو حلف لیا ہے وہ اسے مزید مضبوط کرے گا اور ہم جیتیں گے۔ یہ ہمارے نظام انصاف کی بھی فتح ہے۔
کانگریس لیڈر ادھیرنجن چودھری نے لوک سبھا اسپیکر اوم برلا کو بتایا کہ راہل گاندھی کو سپریم کورٹ سے راحت مل گئی ہے اور نچلی عدالت کے فیصلے پر حکم امتناعی جاری کیا ہے۔ تاہم راہول گاندھی دوبارہ رکن پارلیمنٹ بنتے ہیں یا نہیں یہ پوری طرح سے لوک سبھا کے اسپیکر کے فیصلے پر منحصر ہے۔
اس سے قبل ممتا بنرجی نے بنگلور میں انڈیا الائنس میٹنگ میں راہل گاندھی کی تعریف کی تھی۔ کانگریس اور ترنمول کے درمیان طویل کشمکش کے بعد 2024 کے انتخابات سے پہلے فاصلے ختم ہو گئے ہیں۔
یہ کہے بغیر کہ راہول گاندھی کو سپریم کورٹ میں راحت ملنے کے فوراً بعد ممتا بنرجی کا ٹویٹ قومی سطح پر کانگریس اور ترنمول کے تعلقات کو مضبوط کرے گا۔
