حیدرآباد: شہرحیدرآباد کے نواحی علاقہ نارسنگی میں حیدرشاہ کوٹ علاقہ میں ایک پرائیویٹ ٹراویلس کی بس نے بے قابو ہوکر دیگر گاڑیوں کو ٹکردے دی اورڈیوائیڈرسے ٹکرانے کے بعد دوسری طرف جاگری۔
عینی شاہدین کے مطابق جمعرات کی صبح پیش آئے ا س واقعہ میں بس کے ڈرائیور نے اس کا توازن کھودیا جس کے نتیجہ میں یہ بس مخالف سمت سے آنے والی موٹر سائیکل اورپھر بجلی کے کھمبے سے ٹکرا گئی، جس سے سڑک کے دونوں طرف بڑے پیمانہ پر ٹریفک جام ہوگئی۔
حادثہ میں موٹر سائیکل ڈرائیور شدید زخمی ہو گیا۔
اسے فوری طور پر اسپتال منتقل کیاگیا۔ اس موقع پر بس مالک نے کوریج کے لیے آنے والے میڈیا پربرہمی کااظہار کیا۔
انہوں نے انہیں خبردار کیا کہ وہ ویڈیوز نہ بنائیں۔ اس سے وہاں کچھ دیر تک تناؤ کا ماحول دیکھاگیا۔
اطلاع ملنے پر پولیس نے وہاں پہنچ کر ٹریفک کو بحال کیا۔حادثہ کی وجہ تیز رفتاری بتائی جا رہی ہے۔
ہمیں فالو کریں
