سونیا گاندھی نے حکومت سے سوال کیا کہ آخر ایسی صورت حال کیوں پیدا ہوئی؟ انہوں نے کہا کہ اس اسکیم کے مکمل نفاذ کے لیے سالانہ تقریباً 12,000 کروڑ روپے کے بجٹ کی ضرورت ہے، لیکن حکومت اس کے لیے ناکافی رقم مختص کر رہی ہے۔
انہوں نے کہا کہ حیرت کی بات یہ ہے کہ بجٹ دستاویزات میں وزیر اعظم ماتر وندنا یوجنا کے لیے الگ سے کوئی معلومات نہیں دی گئی ہیں۔ انہوں نے بتایا کہ 2025-26 میں اس اسکیم کے لیے صرف 2,521 کروڑ روپے مختص کیے گئے ہیں، جو کہ انتہائی کم ہیں۔
سونیا گاندھی نے کہا کہ حکومت کے اس رویے سے پارلیمنٹ کے ذریعے منظور شدہ قانون کے اہم التزامات کی خلاف ورزی ہو رہی ہے۔
