حیدرآباد: تلنگانہ کے ضلع نلگنڈہ کے نکریکل میں دسویں جماعت کے تلگو امتحان کے پرچہ سوالات کے لیک ہونے کے معاملہ میں 6 افراد کوگرفتار کرلیاگیا۔
یہ گرفتاری کل شب ہوئی۔پرچہ لیک ہونے کا معاملہ جمعہ کو مقامی سوشیل ویلفیر گرکل اسکول کے امتحانی مرکز میں پیش آیا، جس کے بعد ایم ای او کی شکایت پر پولیس نے ابتدائی طور پر 11 افراد کے خلاف مقدمہ درج کرتے ہوئے تحقیقات کا آغاز کیا۔
پولیس کے مطابق، کچھ افراد نے غیر قانونی طور پر امتحانی مرکز میں داخل ہو کر ایک طالب علم کے پاس موجو دپرچہ سوالات کی تصویر لے لی، اس کے جوابات حاصل کیے، اور انہیں فوٹو کاپی کروا کر کچھ طلبہ میں تقسیم کیا۔
گرفتار شدگان میں پرائیویٹ ٹیچرجی شنکر، زِیراکس دکان کا مالک برہما دیورا روی شنکر، سی آکاش،بنڈی سرینو،سی شیواور ایک دیگر نابالغ شامل ہیں۔
پولیس نے ان تمام کو گرفتار کر کے ریمانڈکردیا۔ پولیس نے بتایا کہ ملزمین کے قبضہ سے 5موبائل فونس، ایک فوٹوکاپی مشین، ایک کمپیوٹر ضبط کرلیاگیا۔
ہمیں فالو کریں
