حیدرآباد: تلنگانہ حکومت نے طلبہ کو پہلی جماعت سے ہی مصنوعی ذہانت کی تعلیم دینے کا فیصلہ کیا ہے آئندہ تعلیمی سال میں پہلی سے نویں جماعت تک ریاضی کے مضمون میں ایک سبق کے طور پر اے آئی کو شامل کرنے کی منصوبہ بندی کی جا رہی ہے۔
پہلی سے پانچویں جماعت تک دو سے تین صفحات پر مشتمل، جبکہ چھٹی سے نویں جماعت تک چار سے پانچ صفحات پر مشتمل اے آئی کا نصاب ہوگا۔ محکمہ اسکولی تعلیم کے ایک ایڈیشنل ڈائریکٹر اور ماہرین تعلیم اس نصاب کو تیار کر رہے ہیں اور اس عمل میں تقریباً 15سے 20دن لگنے کا امکان ہے۔
نصاب میں کمپیوٹر، اے آئی کی ابتدا، اس کا ارتقا، اور موجودہ دور میں اس کے مختلف شعبوں میں استعمال کی مثالیں شامل کی جائیں گی۔ سی بی ایس ای نے تقریباً چار سال قبل چھٹی سے بارہویں جماعت تک اے آئی کو نصاب میں شامل کیا تھا، اور اب ریاست میں بھی اسی طرز پر نصاب کو ترتیب دیا جا رہا ہے۔
ہمیں فالو کریں
