راہل گاندھی کے اس دورے کا مقصد رائے بریلی کے نوجوانوں، خواتین اور پارٹی کارکنوں کے ساتھ تبادلہ خیال کرنا اور ان کے مسائل کو سن کر ممکنہ حل تلاش کرنا ہے۔ وہ ان منصوبوں کا بھی جائزہ لیں گے جو سابق رکن پارلیمنٹ سونیا گاندھی کی جانب سے شروع کیے گئے تھے، خاص طور پر سٹی ریسورس سینٹر اور بالیکا انٹر کالج جیسی اہم تعلیمی و سماجی اداروں کا معائنہ کریں گے۔
راہل گاندھی جمعرات کی صبح دہلی سے لکھنؤ پہنچیں گے اور وہاں سے سڑک کے راستے رائے بریلی روانہ ہوں گے۔ اپنے دورے کا آغاز وہ چوروا بارڈر پر واقع ہنومان مندر میں درشن کے بعد کریں گے۔ صبح 10:30 سے 11:30 بجے تک وہ بچھراؤں کے ایک گیسٹ ہاؤس میں کانگریس کارکنوں کے ساتھ میٹنگ کریں گے۔
