حادثے کے فوراً بعد فائر بریگیڈ، پیرامیڈیکل ٹیمیں اور دیگر امدادی کارکن موقع پر پہنچ گئے اور ریسکیو آپریشن شروع کر دیا۔ ٹورنٹو پئیرسن ایئرپورٹ انتظامیہ نے سوشل میڈیا پلیٹ فارم ایکس (سابقہ ٹوئٹر) پر ایک بیان جاری کرتے ہوئے حادثے کی تصدیق کی اور بتایا کہ تمام مسافروں اور عملے کے ارکان کو بحفاظت نکال لیا گیا ہے۔
امریکی وفاقی ایوی ایشن ایڈمنسٹریشن (ایف اے اے) کے مطابق، حادثہ مقامی وقت کے مطابق دوپہر 2:45 پر پیش آیا۔ تاہم، ابھی تک یہ واضح نہیں ہو سکا کہ طیارہ لینڈنگ کے دوران کیسے پلٹا۔ کینیڈا کا ٹرانسپورٹیشن سیفٹی بورڈ (ٹی ایس بی) واقعے کی مکمل تحقیقات کر رہا ہے۔
