منی پور کی بی جے پی حکومت پر بحران کے بادل! وزیر اعلیٰ اور کچھ وزراء دہلی پہنچے، گورنر بھی دہلی میں

قابل ذکر ہے کہ 5 فروری کو منی پور کانگریس کے کارگزار صدر دیوورَت سنگھ نے دعویٰ کیا تھا کہ بی جے پی کے کئی اراکین اسمبلی وزیر اعلیٰ بیرین سنگھ کی قیادت کے خلاف بغاوت کر رہے ہیں۔ انھوں نے کہا تھا کہ ’’یہ صرف افواہ نہیں ہے، بلکہ حقیقت میں ایسا ہی کچھ ہو رہا ہے۔‘‘ انھوں نے مزید کہا کہ مرکزی وزیر داخلہ امت شاہ ناراض اراکین اسمبلی اور وزراء کو سمجھانے کی کوشش کر رہے ہیں تاکہ آئندہ اسمبلی اجلاس سے قبل بی جے پی حکومت ایوان میں اپنی اکثریت برقرار رکھ سکے۔