نورا فتیحی کی موت کی جھوٹی خبریں سوشل میڈیا پر وائرل
ممبئی: مشہور ڈانسر اور اداکارہ نورا فتیحی کی 33 ویں سالگرہ کے دن ان کی موت کی جھوٹی خبریں سوشل میڈیا پر تیزی سے پھیل گئیں۔ سوشل میڈیا پر ایک گمراہ کن ویڈیو وائرل ہوئی جس میں ایک خاتون کو پہاڑ کی بلندی سے نیچے گرتے ہوئے دکھایا گیا، اور اس ویڈیو کے ساتھ یہ دعویٰ کیا گیا کہ یہ خاتون نورا فتیحی ہیں۔
ویڈیو کے وائرل ہونے کے بعد ایک صارف نے لکھا کہ “بالی وڈ کی مشہور اداکارہ نورا فتیحی کی موت بالی وڈ کے لیے بری خبر ہے”۔ یہ جھوٹی خبر تیزی سے سوشل میڈیا پر پھیل گئی، مگر کچھ ہی دیر بعد میڈیا نے اس خبر کو غیر مصدقہ قرار دے دیا۔
سوشل میڈیا صارفین نے اس جھوٹی خبر کو پھیلانے والوں پر سخت تنقید کی اور کہا کہ اس طرح کی جھوٹی خبریں نہ صرف مشہور شخصیات کے لیے نقصان دہ ہیں بلکہ سوشل میڈیا کی ساکھ کو بھی متاثر کرتی ہیں۔ صارفین کا کہنا ہے کہ اس وقت سوشل میڈیا پر
لائکس اور ہٹس کے لیے لوگوں کی جانب سے بے بنیاد خبریں پھیلائی جا رہی ہیں جس کی وجہ سے اس کا اعتبار کم ہو رہا ہے۔
