بہار کے حاجی پور میں آج ایک بڑا حادثہ پیش آیا ہے۔ مہاتما گاندھی سیتو کے ستون نمبر 1 کے نزدیک ایک کار بے قابو ہو کر ڈیوائڈر سے ٹکرا گئی۔ اس حادثہ میں ایک نوجوان کی موت ہو گئی جبکہ 5 دیگر افراد زخمی ہوئے ہیں۔ واقعہ کے بعد جائے وقوع پر چیخ و پکار شروع ہو گئی اور لوگوں میں افرا تفری کا ماحول پیدا ہو گیا۔
مقامی راہگیروں کے ذریعہ اطلاع ملنے پر گنگا برج تھانہ کی پولیس جائے وقوع پر پہنچی اور سبھی زخمیوں کو صدر اسپتال میں پہنچایا۔ ڈاکٹروں نے علاج کے دوران ایک شخص کو مردہ قرار دے دیا جبکہ باقی زخمیوں کا ابتدائی علاج کرنے کے بعد انہیں پی ایم سی ایچ منتقل کر دیا۔ ذرائع کے مطابق یہ حادثہ دیر رات پیش آیا۔
