کانگریس بھی ڈونیشن حاصل کرنے میں بی جے پی کے بعد دوسرے نمبر پر ہے، مگر دونوں کے ملنے والے پیسوں کا کوئی مقابلہ نہیں ہے۔ رپورٹ سے پتا چلا ہے کہ کانگریس کا انعام/ڈونیشن/شراکت 2022-2023 میں 268.62 کروڑ روپے سے 320 فیصد بڑھ کر 2023-2024 میں 1,129.66 کروڑ روپے ہو گیا۔ تاہم یہ بی جے پی کے 3,967.14 کروڑ روپے کے مقابلہ میں کافی کم ہے۔
کانگریس کے کل چندے میں انتخابی بانڈ کا حصہ 828.36 کروڑ روپے ہے، جو 73 فیصد بنتا ہے، جو 2022-2023 میں 171.02 کروڑ روپے سے زیادہ ہے۔ کانگریس کا انتخابی خرچ پچھلے سال کے 192.55 کروڑ روپے سے بڑھ کر 619.67 کروڑ روپے ہو گیا۔
