حیدرآباد: تلنگانہ کے ضلع عادل آباد کے تامسی کے گاوں میں کل شب سڑک پر شیر کے نظر آنے سے مقامی افراد میں خوف و ہراس پھیل گیا۔گاؤں میں مقامی افراد نے شیر کو سڑک پار کرتے دیکھا۔
موٹرسائیکل سواروں نے کل شب اس شیرکے سڑک عبور کرنے کے دوران اس کی ویڈیو ریکارڈنگ کی۔بعد ازاں یہ ویڈیو سوشیل میڈیا پر وائرل ہوگئی۔ شیر کی نقل و حرکت پر مقامی افرادنے تشویش کا اظہار کیا۔
انہوں نے حکام سے درخواست کی کہ وہ انسانو ں کو اس سے ہونے والے ممکنہ نقصان کو روکنے کے لیے اقدامات کریں۔
جنگلات کے حکام نے تصدیق کی کہ ایک شیر، جو حال ہی میں پین گنگا ندی کو عبور کرتے ہوئے مہاراشٹر کے ٹائیگر ریزرو سے جنگلات میں بھٹک گیا تھا، وہ اپنے علاقہ کی تلاش میں بھیم پور کے جنگلات میں گھوم رہا تھا۔
انہوں نے بتایا کہ وہ شیر کی نقل و حرکت پر نظر رکھے ہوئے ہیں۔
ہمیں فالو کریں
