انتخابی کمیشن کے اعداد و شمار کے مطابق، دہلی کے 70 اسمبلی حلقوں میں 58 سیٹیں عام اور 12 سیٹیں درج فہرست ذاتوں کے لیے مخصوص ہیں۔ دہلی میں کل 1.55 کروڑ رجسٹرڈ ووٹرز ہیں جن میں 83.49 لاکھ مرد، 71.73 لاکھ خواتین اور 1,261 تھرڈ جینڈر ووٹرز شامل ہیں۔ ان میں 25.89 لاکھ نوجوان ووٹرز بھی شامل ہیں۔
دہلی میں کل 13,033 پولنگ بوتھ بنائے گئے ہیں۔ ان میں 70 ایسے مراکز ہیں جو خصوصی طور پر خواتین اور 70 ایسے مراکز جو معذور افراد (پی ڈبلیو ڈی) کے انتظام میں ہوں گے۔
