[]
حیدرآباد: تلنگانہ کی اصل اپوزیشن بی آرایس آئندہ تین ماہ میں ہونے والے لوک سبھا انتخابات میں مضبوط امیدوار کھڑا کرنے کا منصوبہ تیار کررہی ہے۔ اس کے حصہ کے طور پر بتایاجاتا ہے کہ پارٹی کے کارگزار صدر و سابق وزیر تارک راما رو، ملکاجگری لوک سبھا یا پھر سکندرآباد لوک سبھا حلقہ سے مقابلہ کے بارے میں غور کررہے ہیں۔
تاہم اس خصوص میں حتمی فیصلہ پارٹی کے صدر وسابق وزیراعلی کے چندرشیکھرراو کریں گے۔لوک سبھاانتخابات میں پارٹی کے بہتر مظاہرہ پر ہی اس کو قومی سطح پر ترجیح ملنے کی توقع ہے۔حالیہ اسمبلی انتخابات میں شکست سے دوچار بی آرایس لوک سبھاانتخابات میں زیادہ سے زیادہ نشستوں پر کامیابی حاصل کرنا چاہتی ہے۔
اس کے ایک حصہ کے طور پر امیدواروں کے انتخاب میں زیادہ احتیاط کی جارہی ہے۔ اہم لیڈروں کے ساتھ کی حلقہ واری اجلاس منعقد کئے جارہے ہیں اور ان کی رائے لی جارہی ہے۔
حال ہی میں ہوئے قانون ساز اسمبلی کے انتخابات میں بی آرایس نے حلقہ لوک سبھا ملکاجگری کے سات اسمبلی حلقوں پر کامیابی حاصل کی۔اسے اس لوک سبھا حلقہ میں 9.38 لاکھ ووٹ ملے اور کانگریس کو 5.83 لاکھ ووٹ ملے۔ سکندرآباد لوک سبھا کے سات اسمبلی حلقوں میں سے 6 پر بی آرایس اور ایک پر مجلس نے کامیابی حاصل کی۔
ہمیں فالو کریں
