[]
تہران: ایران کے سپریم لیڈر آیت اللہ علی خامنہ ای نے منگل کے دن خبردار کیا کہ غزہ پر اسرائیل کی بمباری جاری رہی تو کوئی بھی دنیا بھر کے مسلمانوں اور ”مزاحمتی طاقتوں“ کو روک نہیں سکے گا۔ انہوں نے کہا کہ صیہونی حکومت کے جرائم جاری رہیں تو مسلمان اور مزاحمتی طاقتوں کے صبر کا باندھ ٹوٹ جائے گا اور کوئی بھی انہیں روک نہیں پائے گا۔
ڈیلی میل نے ایران کے سرکاری ٹی وی کے حوالہ سے یہ اطلاع دی۔ ایرانی حکمراں عرصہ سے فلسطینی کاز کی کھلے عام تائید کرتے رہے ہیں۔ تہران‘ حماس کی تائید‘ فنڈنگ اور اسے اسلحہ سے لیس کرنے کو راز نہیں رکھتا۔ آیت اللہ علی خامنہ ای نے آج یہ بھی کہا کہ غزہ میں فلسطینیوں کے خلاف جرائم کے لئے اسرائیلی فوجی عہدیداروں پر مقدمات چلنے چاہئیں۔
