حیدرآباد: تمل اداکار وجئے کے ذریعے اقلیتی برادری کے لیے افطار پارٹی کے انعقاد پر بی جے پی اور نریندر مودی کے حامی سوشل میڈیا پر سخت ناراضگی کا اظہار کر رہے ہیں۔ حالانکہ، یہی لوگ تب خاموش تھے جب پون کلیان (Pawan Kalyan) مسلمانوں کے ساتھ بیٹھ کر افطار میں بریانی کا لطف اٹھا رہے تھے۔
مشہور ٹامل اداکار وجے، جو جلد ہی اپنی سیاسی جماعت تملگا وٹری کازہگم (TVK) کے ذریعہ سیاست میں قدم رکھنے والے ہیں نے حال ہی میں رمضان کے موقع پر ایک افطار پارٹی کا اہتمام کیا تھا۔ اس میں مسلم کمیونٹی کے کئی افراد نے شرکت کی۔ تاہم، بی جے پی اور سنگھی نظریات کے حامیوں نے اس پر اعتراض کرتے ہوئے سوشل میڈیا پر انہیں تنقید کا نشانہ بنایا۔
پون کلیان، جو تلگو فلموں کے مشہور اداکار اور جن سینا پارٹی (Jana Sena Party) کے سربراہ ہیں، نے بھی ماضی میں مسلم برادری کے ساتھ افطار کا اہتمام کیا تھا اور بریانی کھاتے ہوئے تصاویر بھی وائرل ہوئی تھیں۔ لیکن بی جے پی اور ہندوتوا تنظیموں کے حامیوں نے اس وقت کوئی اعتراض نہیں کیا۔
اس دوہرے معیار پر سوشل میڈیا صارفین تنقید کر رہے ہیں کہ آخر ایک ہندو سیاستدان کو مسلمانوں کے ساتھ افطار کرنے پر ٹرول کیوں کیا جا رہا ہے، جبکہ دوسرے کے ساتھ خاموشی کیوں برتی گئی؟
سوشل میڈیا صارفین نے اس منافقت پر سوالات اٹھاتے ہوئے بی جے پی حامیوں کو تنقید کا نشانہ بنایا۔ کئی صارفین نے کہا کہ بی جے پی کی سیاست صرف نفرت پر مبنی ہے اور وہ مذہب کی بنیاد پر دوہرا معیار اپناتے ہیں۔
ہمیں فالو کریں
