[]
نئی دہلی: لوک سبھا میں سیکورٹی میں لاپرواہی کے معاملے پر حزب اختلاف کے بیشتر ارکان پارلیمنٹ کی معطلی کے خلاف چار ارکان کے پلے کارڈ اٹھائے اور نعرے لگانے کی وجہ سے ایوان کی کارروائی بدھ کو دوپہر 12 بجے تک ملتوی کر دی گئی۔
آج جیسے ہی لوک سبھا کی کارروائی شروع ہوئی، اپوزیشن کے چار ارکان تختیاں لے کر نعرے بازی شروع کردی۔ لوک سبھا اسپیکر اوم برلا نے وقفہ سوال شروع کیا۔
وقفہ سوال معمولی ہنگامہ آرائی کے درمیان تقریباً آدھے گھنٹے تک جاری رہا۔ اس کے بعد صدر نے مارکسی کمیونسٹ پارٹی کے اے ایم عارف، کیرالہ کانگریس کے سی تھامس اور جے ڈی یو کی کویتا سنگھ اور وجے کمار کے نام لے کر انہیں خبردار کیا۔
انہوں نے کہا کہ میں آپ سب کو خبردار کرتا ہوں کہ اپنی اپنی جگہ پر بیٹھ جائیں۔ تختیاں لے کر ایوان میں آنا مناسب نہیں ہے۔ لوک سبھا اسپیکر کے انتباہ کے باوجود ارکان کھڑے رہے جس کے بعد ایوان کی کارروائی 12 بجے تک ملتوی کر دی گئی۔
ہمیں فالو کریں
