[]
حیدرآباد: پرانا شہر حیدرآبادکے فلک نما پولیس اسٹیشن میں روڈی شیٹرس کی کونسلنگ کی گئی۔
اس موقع پرمیڈیا سے بات کرتے ہوئے ڈی سی پی ساوتھ زون سائی چیتنیہ نے کہاکہ اس کونسلنگ کا مقصد انتخابات کے آزادانہ اورمنصفانہ انعقاد کو یقینی بنانے کیلئے کسی بھی قسم کی جرائم کی سرگرمیوں سے روڈی شیٹرس کو دور رکھنے کیلئے ان کو پابند بنانا ہے۔
انہوں نے کہاکہ روڈی شیٹرس کو پابند مچلکہ بھی کیاگیااور لااینڈآرڈر کومتاثر کرنے والی سرگرمیوں کے خلاف کارروائی کاانتباہ دیاگیا۔
انہوں نے کہاکہ ایسی سرگرمیوں میں ملوث ہونے پر سخت کارروائی کی جائے گی۔
انہوں نے کہاکہ جرائم کی سرگرمیوں سے دوری اختیار کرنے والے روڈی شیٹرس کی روڈی شیٹس معینہ وقت کے بعد بند کردی جائے گی۔
انہوں نے عوام سے خواہش کی کہ کسی کو بھی ڈرانے پر وہ فوری طورپر مقامی پولیس سے رجوع ہوں۔اس کونسلنگ میں تقریبا 50روڈی شیٹرس نے حصہ لیا۔
