حیدرآباد: تلنگانہ کے سوریا پیٹ ضلع کے ناڈیگوڈیم منڈل میں واقع کستوربا گاندھی گرلز اسکول میں دسویں جماعت کی طالبہ تنوشا مہالکشمی نے خودکشی کرلی۔ یہ افسوسناک واقعہ منگل کی صبح پیش آیا۔
یہ طالبہ کالا کووا گاؤں کی رہنے والی تھی، جس نے مبینہ طور پر اسکول کے احاطہ میں پھانسی لے کر خودکشی کر لی۔ ذرائع کے مطابق، پیر کی شام تنوشا کے والد اس سے اسکول میں ملاقات کے لیے آئے تھے۔
تاہم، اس کے اس انتہائی قدم کے پیچھے وجوہات کا ابھی تک پتہ نہیں چل سکا ہے۔ کوئی خودکشی نوٹ برآمد نہیں ہوا۔
مقامی پولیس نے مشتبہ موت کا مقدمہ درج کر لیا ہے جبکہ اسکول انتظامیہ کی جانب سے تاحال کوئی ردعمل سامنے نہیں آیا۔
ہمیں فالو کریں
