[]
حیدرآباد _ 16 ستمبر ( اردولیکس) برطانیہ کی حکومت نے ہندوستانی طلباء کو ایک جھٹکا دیا ہے۔ غیر ملکی طلباء کے اسٹڈی ویزا فیس میں اضافہ کردیا ہے۔ فیس تقریباً 127 پاؤنڈ تک بڑھا دی گئی ہے۔ اضافی فیس کا اطلاق 4 اکتوبر سے ہوگا۔ برطانوی پارلیمنٹ نے حال ہی میں اس سلسلے میں ایک قانون منظور کیا ہے۔ برطانیہ کے ہوم آفس نے انکشاف کیا ہے کہ اسٹوڈنٹ ویزا کی درخواست کی فیس £490 تک ہوگی۔ سیاحوں کے لیے وزٹ ویزا فیس بھی بڑھا دی گئی ہے۔ وزٹ ویزا پر 15 پاؤنڈ کا اضافہ کیا گیا ہے اب اس ویزا کی قیمت 115 پاؤنڈ ہو گئی ہے۔ یہ صرف چھ ماہ کے وزٹ ویزا کے لیے ہے
۔ برطانیہ کے امیگریشن ڈیپارٹمنٹ نے کہا کہ نئی فیسوں کا اطلاق 4 اکتوبر سے ہو گا۔ 2021-2022 کے سیزن میں ہندوستان سے تقریباً 20 ہزار لوگ تعلیم کے لیے برطانیہ گئے۔ اس ملک میں تعلیم حاصل کرنے والے غیر ملکیوں میں ہندوستانیوں کی تعداد زیادہ ہے۔
حکومت نے کہا ہے کہ فیس میں اضافے کا مقصد ضروری خدمات فراہم کرنا ہے۔ حکومت کا خیال ہے کہ فیسوں میں اضافہ ترجیحی شعبوں کے لیے فنڈنگ میں بھی اضافہ کر سکتا ہے۔
