مہر خبررساں ایجنسی کی رپورٹ کے مطابق، روسی وزارت خارجہ نے اتوار کے روز جاری ایک بیان میں کہا ہے کہ ترک وزیر خارجہ کے روسی دورے کے دوران سرگئی لاوروف اور ترک وزیر خارجہ ہاکان فیدان مشرق وسطی اور بحیرۂ اسود کی تازہ صورتحال پر گفتگو کریں گے۔
روسی وزارت خارجہ کے بیان میں مزید کہا گیا ہے کہ دونوں ممالک کے وزرائے خارجہ شام کی نئی قیادت کو ملک میں سیاسی مذاکرات کے فروغ اور سیاسی عمل کو آگے بڑھانے کے لیے تعاون فراہم کرنے کے موضوع پر بھی مشاورت کریں گے۔
