[]
حیدرآباد: تلنگانہ میں پوسٹر وار چل پڑا ہے۔ آج مرکزی وزیر داخلہ امیت شاہ حیدرآباد آرہے ہیں۔ وہ 17 ستمبر کو سابق ریاست حیدرآباد کے وفاق ہند میں الحاق کے سلسلہ میں بی جے پی کی جانب سے پریڈ گراؤنڈ سکندرآباد میں منعقد شدنی جلسہ عام میں شرکت کریں گے۔
ان کی شرکت کے تناظر میں چند نامعلوم افراد نے پریڈ گراؤنڈپر پوسٹر آویزاں کرتے ہوئے امیت شاہ سے سوال کیا کہ مرکزی حکومت نے گوا کے وفاق ہند میں الحاق کے60 سال کی تکمیل پر 300کروڑ روپے کی گرانٹ یا مدد دینے کا اعلان کیا تھا، پھر کیا تلنگانہ کو بھی ایسا تحفہ دیا جائے گا؟
اب تک مرکزی حکومت کی جانب سے تلنگانہ کو صفر مالی مدد دی گئی ہے۔ کیا امیت شاہ تلنگانہ کیلئے بھی گوا کے طرز پر مالی مدد کا اعلان کریں گے۔اس سوال پر سیاسی حلقوں میں بحث چھڑ گئی ہے اور یہ بیانر سوشل نٹ ورکنگ سائٹس پر وائرل ہوتا جارہا ہے۔
