حیدرآباد: بی آر ایس کے اراکین اسمبلی نے ایوان میں شدید احتجاج کیا۔ انہوں نے مطالبہ کیا کہ ڈپٹی چیف منسٹر بھٹی وکرمارکا، بی آر ایس کے ورکنگ صدر کے ٹی آر کے خلاف دیے گئے ریمارکس پر معافی مانگیں۔ اس مطالبے کے ساتھ بی آر ایس اراکین اسمبلی میں نعرے بازی کرتے رہے۔
چہارشنبہ کی صبح اسمبلی اجلاس کے دوران کے ٹی آر نے سکریٹریٹ میں کمیشن کے معاملات اور کنٹریکٹرز کے دھرنے کا ذکر کیا۔ اس پر ردعمل دیتے ہوئے بھٹی وکرمارکا نے کہا کہ “زبان سنبھال کر بات کریں”۔ ان کے اس تبصرے پر بی آر ایس اراکین نے اعتراض کیا اور کہا کہ یہ نازیبا الفاظ ہیں، جس پر بھٹی وکرمارکا کو معذرت کرنی چاہیے۔
احتجاج کے دوران بی آر ایس کے اراکین اسمبلی نے اسمبلی کے داخلی دروازے پر دھرنا دیا اور نعرے لگائے – “نہیں چاہیے بابو، 20 فیصد کمیشن کی حکومت!”۔
انہوں نے کانگریس حکومت کو نشانہ بناتے ہوئے کہا کہ یہ “کمیشن کی حکومت” ہے، جو 20 فیصد، 30 فیصد کمیشن کے اصول پر چل رہی ہے۔ بی آر ایس ایم ایل ایز نے کانگریس حکومت کو بدعنوان قرار دیتے ہوئے اس پر سخت تنقید کی۔
ہمیں فالو کریں
