گزشتہ سال ڈومبی ولی کی رہنے والی خاتون سے جعلسازوں نے رابطہ کرکے کام اور پُرکشش ریٹرن دینے کا وعدہ کیا تھا۔ خاتون نے اپنے ساتھ ہوئی جعلسازی کے بعد پولیس میں شکایت درج کرائی۔
سائبر فراڈ علامتی تصویر / آئی اے این ایس
مہاراشٹر کے تھانے میں ٹھگی کا ایک بڑا معاملہ سامنے آیا ہے۔ یہاں ایک 37 سالہ خاتون سے مبینہ طور پر کچھ لوگوں کے ذریعہ گھر میں کام دینے کا لالچ دے کر 15.14 لاکھ روپے اڑا لیے گئے۔ اس بات کا انکشاف ایک پولیس افسر نے ایک نیوز ایجنسی کو دی۔ فی الحال پولیس پورے معاملے کی جانچ شروع کرتے ہوئے ملزمین کی تلاش میں لگ گئی ہے۔
افسر کے مطابق جعلسازوں میں ایک خاتون بھی شامل تھی۔ تینوں نے گزشتہ سال فروری سے جولائی کے درمیان ڈومبی ولی کی رہنے والی ایک خاتون سے رابطہ کیا تھا۔ منا پاڑہ پولیس تھانہ کے ایک افسر نے بتایا کہ انہوں نے متاثرہ خاتون کو ٹیلی گرام ایپلی کیشن کا ایکسس دیا۔ اس کے بعد اسے آن لائن پورا کرنے کے لیے کام دیے۔
جعلسازوں کی طرف سے متاثرہ کو کام کرنے کے لیے پُرکشش ریٹرن کی بھی یقین دہانی کرائی گئی، جس کے بعد ملزمین نے کچھ وقت کے لیے مختلف آن لائن لین دین کے توسط سے اس سے 15 لاکھ 14 ہزار 460 روپے لے لیے۔ جب متاثرہ خاتون کو ملزمین کو دی گئی رقم یا وعدہ کی گئی کمائی واپس نہیں ملی تو اس نے اس کے خلاف پولیس میں شکایت درج کرائی۔
مناپاڑہ پولیس نے منگل کو تینوں ملزمین کے خلاف متعلقہ قانونی التزامات کے تحت ایف آئی آر درج کی۔ افسر نے بتایا کہ ابھی تک کوئی گرفتاری نہیں ہوئی ہے۔ جانچ میں سامنے آیا ہے کہ ملزمین نے اسی طرح سے کم سے کم پانچ دیگر لوگوں کو بھی ٹھگا ہے اور اس کی تصدیق کے لیے جانچ جاری ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
