حیدرآباد ۔ کے این واصف
حرم مکی میں ماہ رمضان کی برکتیں لوٹنے والے اندرون و بیرون مملکت زائرین کا ریکارڈ اجتماع۔ وزیر حج عمرہ ڈاکٹر توفیق الربیعہ کے مطابق رمضان المبارک کی 23 ویں شب کو مسجد الحرام میں 30 لاکھ سے زیادہ زائرین کی آمد ہوئی ہے۔
سبق ویب سائٹ کے مطابق انہوں نے کہا ہے کہ مسجد الحرام کے زائرین کا تعلق اندرون و بیرون ملک سے رہا ہے۔ دیگر نمازوں میں زائرین کے تعداد کی تفصیل بتاتے ہوئے انہوں نے کہا ہے کہ 22 رمضان کو 5 لاکھ 95 ہزار سے زیادہ زائرین نے مسجد الحرام میں فجر کی نماز ادا کی ہے۔ ظہر کی نماز ادا کرنے والوں کی تعداد 5 لاکھ 18 ہزار تھی جبکہ 5 لاکھ 47 ہزار نے عصر کی نماز ادا کی۔
مغرب کی نماز ادا کرنے والے زائرین کی تعداد 7 10 ہزار تھی جبکہ عشا اور تراویح 7لاکھ 32 ہزار افراد نے ادا کی ہے۔
