حیدرآباد: تلنگانہ کے محبوب نگر ضلع کے راجاپور منڈل میں واقع کستوربا اسکول میں آٹھویں جماعت کی طالبہ ویشناوی نے سینئر ساتھیوں اور ایک معلمہ کی سرزنش سے دلبرداشتہ ہو کر خودکشی کی کوشش کی۔
طالبہ نے زیادہ مقدار میں پیراسیٹامول کی گولیاں کھا لیں، جس کے بعد اس کی طبیعت بگڑ گئی۔
فوری طور پر اسے جڑچرلہ کے سرکاری اسپتال منتقل کیا گیا، جہاں ڈاکٹروں نے اس کی حالت مستحکم بتائی ہے۔
طالبہ کا کہنا ہے کہ سینئر ساتھیوں اور ایک معلمہ نے نہ صرف اس کو ڈانٹا بلکہ نازیبا الفاظ بھی کہے، جس کی وجہ سے اس نے یہ انتہائی قدم اٹھایاتاہم اسکول کے عملہ نے معاملے کو چھپانے کی کوشش کی اور طالبہ کے والدین کو فون کر کے کہا کہ وہ اپنی بیٹی کو لے جائیں۔
والدین کو مبینہ طور پر دباؤ میں رکھنے کی بھی کوشش کی گئی۔ اس وقت طالبہ کی حالت مستحکم ہے اور مزید تحقیقات جاری ہیں۔
ہمیں فالو کریں
