مہر خبررساں ایجنسی کے مطابق، ایرانی وزیر خارجہ سید عباس عراقچی اور سعودی عرب کے وزیر خارجہ فیصل بن فرحان نے جدہ میں اسلامی تعاون تنظیم کے وزرائے خارجہ کے ہنگامی اجلاس کے موقع پر ملاقات کی اور مختلف امور پر تبادلہ خیال کیا۔
ملاقات کے دوران دونوں رہنماؤں نے ایران اور سعودی عرب کے دوطرفہ تعلقات کا جائزہ لیا اور تہران اور ریاض کے درمیان تمام شعبوں میں ہماہنگی اور تعاون کے فروغ کے عزم کا اعادہ کیا۔
عراقچی اور بن فرحان نے خطے اور عالمی سطح پر درپیش حالات پر بھی تبادلہ خیال کیا اور اسلامی دنیا کو درپیش چیلنجوں سے نمٹنے کی ضرورت پر زور دیا۔
دونوں وزرائے خارجہ نے غزہ کے عوام کی جبری نقل مکانی کی سازش کو ناکام بنانے کے لئے مل کر کوشش کرنے پر اتفاق کیا۔
