راہل گاندھی نے ویڈیو پوسٹ کرتے ہوئے لکھا، ’’رائے بریلی میرا گھر ہے، میرا خاندان ہے – پچھلے ہفتے یہاں پہنچ کر کچھ خاندانوں سے ملاقات کی، ان کے مسائل سنے، درد بانٹا اور حل کا راستہ نکالا۔ میں رائے بریلی آیا ہی تھا تاکہ سب کی آواز سن سکوں، ان کے مسائل سمجھ سکوں اور ان کی مانگوں کو پارلیمنٹ تک پہنچا سکوں۔‘‘
راہل گاندھی نے بُنکر برادری اور خواتین کاریگروں سے ملاقات کی اور ان کی معاشی مشکلات کا ذکر کیا۔ انہوں نے لکھا، ’’میں نے بُنکر اور کاریگر خواتین سے ملاقات کی، جنہوں نے بتایا کہ انہیں اپنی محنت کا مناسب دام نہیں ملتا، اور مہنگائی نے ان کی زندگی مشکل بنا دی ہے۔‘‘
