سیکورٹی فورسز نے ایل او سی اور دیگر حساس علاقوں میں سخت نگرانی برقرار رکھی ہے، کیونکہ موسم سرما میں برفباری کم ہونے کے سبب دراندازی کے روایتی راستے کھلے رہے۔ اس حوالے سے مرکزی وزیر داخلہ امت شاہ نے دو اعلیٰ سطحی سیکورٹی اجلاسوں کی صدارت کی، جن میں سیکورٹی فورسز کو دراندازی کے خلاف زیرو ٹالرنس پالیسی اپنانے کی ہدایت دی گئی۔
جموں و کشمیر کے لیفٹیننٹ گورنر منوج سنہا نے بھی سری نگر اور جموں میں الگ الگ سیکورٹی اجلاسوں کی صدارت کی۔ ان اجلاسوں میں پولیس اور دیگر سیکورٹی فورسز کو دہشت گردوں، ان کے سہولت کاروں اور نیٹ ورک کو مکمل طور پر ختم کرنے کی ہدایات دی گئیں۔
