رانچی: جھارکھنڈ کے ضلع گریڈیہ میں کل دیر رات پیش آنے والے دو سڑک حادثات میں آٹھ افراد لوگوں کی موت ہوگئی اور ایک زخمی ہوگیا۔
زخمی شخص کو ہزاری باغ صدر اسپتال میں طبی امداد دی جارہی ہے۔
پہلے حادثے میں ضلع کے مدھوبن تھانہ علاقے میں پولیس چوکی کے نزدیک موٹر سائیکل اور اسکارپیو کے درمیان تصادم میں دونوں گاڑیوں میں سوار چھ افراد موقع پر ہی ہلاک ہو گئے۔
حادثہ کی اطلاع ملتے ہی پولیس موقع پر پہنچ گئی اور لاشوں کو اپنی تحویل میں لے کر پوسٹ مارٹم کے لیے گرڈیہہ بھیج دیا۔
دوسرے حادثہ میں بگودر، گریڈیہ میں اٹاکا-منڈرو روڈ پر بہارو کے نزدیک دو موٹر سائیکل سواروں کی موت ہو گئی جبکہ ایک شخص زخمی ہو گیا۔ زخمی کا علاج ہزاری باغ صدر اسپتال میں کیا جا رہا ہے۔
مقامی لوگوں نے بتایا کہ کل دیر رات تین نوجوان بائک پر اپنے گھر آ رہے تھے کہ بہارو کے نزدیک موٹر سائیکل بے قابو ہوگئی اور بجلی کے کھمبے سے ٹکرا گئی۔ تینوں موٹر سائیکل سوار زخمی ہوگئے۔
علاج کے دوران ان میں سے دو نوجوانوں کی موت ہو گئی۔
ہمیں فالو کریں
