ذرائع سے موصولہ اطلاع کے مطابق جے پی نڈا نے پارلیمنٹ ہاؤس میں ایک ایک کرکے ان ارکان اسمبلی سے ملاقات کی اور ان سے تبادلہ خیال کیا۔
فائل تصویر آئی اے این ایس
دہلی بی جے پی میں نئی حکومت کی تشکیل کے سلسلہ میں ارکان اسمبلی نے بی جے پی کے موجودہ صدر جے پی نڈا سے ملاقات کی ہے اور وہ اپنے اپنے خیالات ان تک پہنچا رہے ہیں۔ بھارتیہ جنتا پارٹی کے دہلی سے نو منتخب ارکان اسمبلی کے ایک گروپ نے پارٹی کے قومی صدر جے پی نڈا سے منگل کو پارلیمنٹ ہاؤس میں ملاقات کی۔
نڈا سے ملاقات کرنے والے ارکان اسمبلی میں آر کے پورم کے رکن اسمبلی انل شرما، گریٹر کیلاش کی رکن اسمبلی شیکھا رائے، مالویہ نگر کے رکن اسمبلی ستیش اپادھیائے، روہینی کے رکن اسمبلی وجےندر گپتا، گھونڈا کے رکن اسمبلی اجے مہاور، شالیمار باغ کی رکن اسمبلی ریکھا گپتا اور کرشن نگر کے رکن اسمبلی ڈاکٹر انل گوئل شامل ہیں۔ اس کے علاوہ گاندھی نگر کے رکن اسمبلی اروندر سنگھ لولی، کراول نگر کے رکن اسمبلی کپیل مشرا اور رٹھالاکے رکن اسمبلی کلونت رانا نے بھی نڈا سے ملاقات کی۔
ذرائع سے موصولہ اطلاع کے مطابق جے پی نڈا نے پارلیمنٹ ہاؤس میں ایک ایک کرکے ان ارکان اسمبلی سے ملاقات کی اور ان سے تبادلہ خیال کیا۔ ذرائع کے مطابق ان ارکان اسمبلی نےجے پی نڈا سے ملاقات کے لئے وقت مانگا تھا۔
