دہلی اسمبلی انتخاب: ’اقلیتوں کی امیدیں رنگ لائے گی، ترقی مسکرائے گی‘، عمران مسعود کانگریس کی فتح کو لے کر پُرامید

عمران مسعود نے بی جے پی اور عآپ پر حملہ کرتے ہوئے کہا کہ یہ دونوں پارٹیاں اقلیتی طبقہ کو صرف ووٹ لینے کے وقت ہی یاد کرتی ہیں۔ ان دونوں نے اقلیتوں کی اسکالرشپ بند کر دی، بجٹ گھٹا رہے ہیں، گزشتہ 11 سالوں میں ملک اور دہلی میں اقلیتی طبقہ کو پوری طرح نظر انداز کیا گیا ہے۔ گرنتھیوں کو تنخواہ دینے کا وعدہ کرنے والے لوگ ائمہ و موذنین کی تنخواہ روکے ہوئے ہیں۔ بی جے پی کی اقلیتی طبقہ سے متعلق نفرت بھری سوچ کو تو پورا ملک جانتا ہی ہے، اروند کیجریوال بھی اب پوری طرح بے نقاب ہو چکے ہیں۔