عادل آباد۔26/جنوری(اردو لیکس)عادل آباد کے معروف تعلیمی ادارے دارالعلوم فاطمہ نسواں میں 76 ویں یوم جمہوریہ کی تقریب تزک و اہتمام کے ساتھ منائی گئی۔ یہ پروگرام ادارے کے صدر محمد عبدالکلیم کی زیر قیادت منعقد ہوا، جنہوں نے پرچم کشائی کی۔
تقریب میں دارالعلوم فاطمہ نسواں کی طالبات نے قومی ترانہ پڑھا جس کے دوران محفل میں موجود تمام افراد نے قومی یکجہتی اور حب وطن کا عزم ظاہر کیا۔ اس موقع پر معلمات اور مدرسہ کے دیگر اراکین نے بھی بھرپور شرکت کی اور اس عظیم دن کی اہمیت کو اجاگر کیا۔عیسیٰ خان، شکور خان، سید بلال، محمد شفیع، اسماعیل اور نسیم خان جیسے اراکین کمیٹی بھی اس موقع پر موجود تھے۔ ان تمام افراد نے تقریب کو کامیاب بنانے میں اہم کردار ادا کیا اور اس دن کی اہمیت پر روشنی ڈالی۔
یہ تقریب نہ صرف یوم جمہوریہ کے تاریخی پس منظر کو یاد کرنے کا موقع تھی، بلکہ اس کے ذریعے مدرسہ فاطمہ نسواں کی طالبات میں حب وطن اور قومی یکجہتی کے جذبات کو مزید فروغ دینے کی کوشش کی گئی۔
