لکھنؤ: اتر پردیش میں پریاگ راج دنیا کے سب سے بڑے مذہبی اجتماع مہاکمبھ 2025 کے لیے تیار ہے۔ یہ ایک دن بعد یعنی پیر (13 جنوری 2025) کو شروع ہونے والا ہے اور 45 کروڑ سے زیادہ لوگوں کے آنے کی امید ہے۔ ان کی حفاظت کو یقینی بنانے کے لیے شہر کے ہر کونے میں فوج تعینات ہیں۔ یہی نہیں پانی کے اندر ڈرونز اور اے آئی کیمرے سیکیورٹی کو مزید مضبوط کریں گے۔
رپورٹ کے مطابق اتر پردیش کے ڈائریکٹر جنرل آف پولیس (ڈی جی پی) پرشانت کمار نے کہا کہ 13 جنوری سے 26 فروری تک منعقد ہونے والے اس پروگرام کے لیے وسیع حفاظتی اقدامات کیے گئے ہیں۔ اتر پردیش کے وزیر اعلی یوگی آدتیہ ناتھ نے پریاگ راج کے ارد گرد سیکورٹی مزید مضبوط بنانے کی ہدایات دی تھیں۔ اس میں آس پاس کے اضلاع کو ملانے والی سڑکوں پر بھی حفاظتی انتظامات سخت کر دیے گئے ہیں۔
وزیراعلیٰ کی ہدایات کے مطابق، پولیس نے 7 اہم راستوں پر 102 چوکیوں کے ساتھ ایک سرکلر سیکیورٹی سسٹم بنایا ہے۔ ان چوکیوں پر نہ صرف گاڑیوں کو چیک کیا جائے گا بلکہ افراد کو بھی چیک کیا جائے گا۔
ڈی جی پی پرشانت کمار نے زور دیا کہ یوپی پولیس مہا کمبھ میں حصہ لینے والوں کی حفاظت کو یقینی بنانے کے لیے پرعزم ہے۔ انہوں نے کہا کہ ایک ہزار سے زائد پولیس عہدیدار تعینات کیے گئے ہیں۔
سیکورٹی کے لیے، 71 انسپکٹر، 234 سب انسپکٹر، 645 کانسٹیبل اور 113 ہوم گارڈز/پی آر کے عہدیدار مہا کمبھ تقریب کی سرگرمی سے نگرانی کر رہے ہیں۔
پولیس جدید ٹیکنالوجی بھی استعمال کر رہی ہے جس میں پانی کے اندر ڈرون اور اے آئی کیمرے شامل ہیں۔ کمبھ علاقے کے ارد گرد کل 2,700 اے آئی کیمرے اور 113 پانی کے اندر ڈرون کیمرے نصب کیے گئے ہیں۔
مہا کمبھ میں آنے والے لوگ شہر میں مختلف سمتوں میں بنائے گئے راستوں کا استعمال کریں گے۔ سکیورٹی کے لیے سات حلقوں کا دائرہ بھی بنایا گیا ہے۔ سیکیورٹی کو مدنظر رکھتے ہوئے دیگر حساس مقامات پر بھی سیکورٹی بڑھادی گئی ہے۔45 کروڑ سے زیادہ عقیدت مندوں کی آمد متوقع ہے۔ مہا کمبھ 26 فروری کو ختم ہوگا۔
ہمیں فالو کریں
