کانگریس کا نیا ہیڈکوارٹر، جسے ہندوستان کی پہلی خاتون وزیر اعظم اندرا گاندھی کے نام سے منسوب کیا گیا ہے، پارٹی کے قدآوروں کے وژن کو برقرار رکھنے کے مشن کی علامت ہے۔
فائل تصویر آئی اے این ایس
کانگریس کا صدر دفتر اب 24 اکبر روڈ سے 9 کوٹلہ مارگ میں منتقل ہو رہا ہے اور نئے ہیڈ کوارٹر کا افتتاح 15 جنوری کو اندرا گاندھی بھون کی شکل میں کیا جائے گا۔
کانگریس کے جنرل سکریٹری کے سی وینوگوپال نے کہا کہ کانگریس کے نئے ہیڈکوارٹر اندرا گاندھی بھون، جو 9A، کوٹلہ روڈ پر واقع ہے، کا افتتاح 15 جنوری کو صبح 10 بجے ایک شاندار تقریب میں کیا جائے گا اور اس میں کانگریس کی پارلیمانی پارٹی کی صدر سونیا گاندھی، شرکت کریں گی۔ پارٹی کے صدر ملکارجن کھڑگے اور اپوزیشن لیڈر راہل گاندھی اس جدید ترین سہولت سے آراستہ عمارت کا باقاعدہ افتتاح کریں گے۔
انہوں نے کہا کہ “کانگریس کا نیا ہیڈکوارٹر، جسے ہندوستان کی پہلی خاتون وزیر اعظم اندرا گاندھی کے نام سے منسوب کیا گیا ہے، پارٹی کے قدآوروں کے وژن کو برقرار رکھنے کے مشن کی علامت ہے۔ اس تقریب میں ملک بھر سے نامور رہنما شرکت کریں گے۔ تقریباً 400 سرکردہ رہنماؤں کو اس تقریب میں شرکت کے لیے مدعو کیا گیا ہے، جن میں کانگریس ورکنگ کمیٹی کے ارکان، مستقل اور خصوصی مدعوئین، ریاستی کانگریس کے صدور، کانگریس قانون ساز پارٹی کے لیڈران، لوک سبھا اور راجیہ سبھا میں پارٹی کے اراکین پارلیمنٹ، پارٹی سکریٹری، جوائنٹ سکریٹریز، سربراہان شامل ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
