دہلی کے چیف الیکٹورل آفیسر دفتر (سی ای او) نے ووٹر لسٹ اصلاح کے لیے ‘اسپیشل سمری ریویژن مہم’ پورا ہونے کے بعد پیر کو حتمی ووٹر لسٹ جاری کر دی ہے۔ اس کے مطابق دہلی کے 70 اسمبلی حلقوں میں کُل ایک کروڑ 55 لاکھ 24 ہزار 858 ووٹر ہیں۔ اس طرح گزشتہ اسمبلی انتخابات کے مقابلے 5 سال میں تقریباً 7 لاکھ 38 ہزار سے زیادہ رائے دہندگان میں اضافہ ہوا ہے۔
خاص بات یہ ہے کہ ووٹر لسٹ سے ووٹروں کے نام کاٹنے و فرضی ووٹر شناختی کارڈ بنوانے کے معاملے میں حزب اقتدار اور حزب اختلاف کی طرف سے بہت سارے الزامات لگائے۔ لوک سبھا انتخابات کے بعد ساڑھے چھ ماہ میں دہلی میں 3 لاکھ 22 ہزار 922 ووٹروں کا اضافہ ہوا ہے۔
