بہرائچ: اترپردیش کے ضلع بہرائچ کے کترنیا گھاٹ وائلڈ لائف ڈویژن کے سجولی رینج میں پیر کی صبح ایک لڑکی پر تیندوے نے حملہ کردیا۔
زخمی لڑکی کو اسپتال میں داخل کرایا گیا ہے۔
پولیس ذرائع نے بتایا کہ بن کٹی گاؤں باشندہ کس نندن کی بیٹی سندری(8) گھر سے کچھ دوری پر بیت الخلاء کے لئے گئی تھی۔
اسی دوران جنگل سے آئے ایک تیندوے نے اس پر حملہ کردیا۔ بچی کی چیخ و پکار سن کر اہل خانہ اور مقامی افراد نے شور مچایا اور کسی طرح تیندوے کو وہاں سے فرار ہوگیا۔
حادثے کے فورا بعد بچی کو زخمی حالت میں پرائمری ہیلتھ سنٹر(پی ایچ سی) سجولی میں داخل کرایا گیا۔
اس کی حالت نازک ہونے پر ڈاکٹروں نے اسے ایمبولنس سے کمیونٹی ہیلتھ سنٹر(سی ایچ سی) موتی پور ریفر کردیا ہے۔
واقعہ کی اطلاع ملنے پر رینج افسر روہت کمار نے بچے کے اہل خانہ سے ملاقات کی اور ہر ممکن مدد کا تیقن دیا۔
انہوں نے کہا کہ علاج میں کوئی لاپرواہی نہیں ہونے دی جائے گی۔
اہل خانہ نے بتایا کہ اس سے پہل تین لوگ اسی کنبے کے تیندوے کے حملے کا شکار ہوچکے ہیں۔
گاؤں کے لوگ متفکر ہیں اور انہوں نے محکمہ جنگلات سے تیندوے کو پکڑنے کے لئے پنجرا لگانے کا مطالبہ کیا ہے۔
تاکہ دوبارہ ایسے واقعات نہ ہوں۔
ہمیں فالو کریں
