ملک کے کئی حصے اس وقت کہرے کے سائے میں ہیں۔ اس کا اثر بڑے پیمانے پر آمد و رفت پر دیکھا جا رہا ہے۔ ریل خدمات بھی کہرے کے اثر سے مستثنیٰ نہیں ہے۔ اس کی وجہ سے کئی گاڑیوں کی آمد و رفت میں رکاوٹ پیدا ہوئی ہے۔ جمعرات کی صبح 9 بجے تک دہلی آنے والی تقریباً 50 ٹرینیں ایک سے لے کر 5 گھنٹے کی تاخیر سے چل رہی تھیں۔ کئی ٹرینوں کی روانگی کے وقت میں تبدیلی بھی کرنی پڑی ہے۔
افسروں کا کہنا ہے کہ کہرے کی وجہ سے حد نگاہ کم ہونے سے ٹرینوں کی رفتار کم کرنی پڑتی ہے جس سے انہیں منزل مقصود تک پہنچنے میں تاخیر ہو رہی ہے۔ کئی مقامات پر سیفتی کام ہونے سے بھی مسافروں کو پریشانی کا سامنا کرنا پڑ رہا ہے۔ مسافروں کو شدید ٹھنڈ میں پلیٹ فارم پر گھنٹوں گاڑیوں کا انتظار کرنا پڑ رہا ہے۔
