حیدرآباد: تلنگانہ کے ضلع محبوب آباد میں شیرکوپکڑنے کیلئے محکمہ جنگلات کے عہدیداروں کی 5ٹیمیں تشکیل دی گئی ہیں۔
ضلع کے کوناپورم جنگلاتی علاقہ میں اس شیر کی موجودگی نے سنسنی پیدا کر دی ہے۔
شیر کے پنجوں کے نشانات کا پتہ چلا جس سے مقامی افراد خوفزدہ ہوگئے جنہوں نے محکمہ جنگلات کے عہدیداروں سے خواہش کی کہ ان کی جان بچائی جائے۔
محکمہ جنگلات کے عہدیداروں نے بتایا کہ کوٹہ گڈم گنگارم جنگلات میں شیرموجود ہے جس کو پکڑنے کیلئے پانچ ٹیمیں تشکیل دی گئی ہیں۔
انہوں نے کہاکہ سی سی کیمرے جنگلات میں نصب کیے جائیں گے۔
عہدیداروں نے ڈھول بجا کر ارد گرد کے دیہات کے عوام کو محتاط رہنے کی تاکید کی۔
انہوں نے شیر کی نقل و حرکت والے کوناپورم علاقے کا دورہ کیا اور عوام کو حوصلہ دیا۔
ہمیں فالو کریں
