[]
حیدرآباد: شہر میں گائتری نگر میں ایک زیر تعمیر اپارٹمنٹ کے قریب کتوں کے حملہ میں ایک ڈھائی سالہ لڑکی ہلاک ہوگئی۔ یہ المناک واقعہ اس وقت پیش آیا جبکہ یہ لڑکی زیر تعمیر اپارٹمنٹ کے باہر کھیل رہی تھی کہ کتوں نے اس پر حملہ کردیا۔جس کے سبب وہ شدید زخمی ہوگئی۔
پولیس کے مطابق لڑکی اور اس کی بہن کو دوکتوں نے اس وقت کاٹ لیا جبکہ یہ دوبہنیں زیر تعمیرعمارت کے مقام پر کھیل رہی تھیں جبکہ ان دولڑکیوں کے والد جو چھتیس گڑھ کے متوطن بتائے گئے ہیں، قریب میں کام میں مصروف تھے۔
یہ واقعہ 12 / اپریل کو پیش آیا لڑکی کو کتوں سے بچالیا اور اسے شدید زخمی حالت میں ہاسپٹل لے جایا گیا مگر اسے ایک دوسرے سرکاری ہاسپٹل منتقل کیا گیا جہاں اسے مردہ قرار دیا گیا۔ کیس درج کرتے ہوئے تحقیقات کا آغاز کردیا گیا ہے۔ پولیس عہدیدار نے یہ بات بتائی۔
ہمیں فالو کریں
